مصطفى عبد العظيم بيصبح ويمسى على الشباب الحلوةيوميات خـــــــــــــــــمــــوس:
انطلق مدفع الإفطار فانهار خميس على الأكل كالوحش الكاسر .. * يا خميس سمي الله و ادعو فإن دعاء الصائم عند لإفطار مقبول ..يا عم دماغك الواحد ماسك نفسه من الصبح و عمال يقاوم المقلي و المشوي .. هو يعني الواحد هيقطع نفسه ؟* يا خميس من سنة الرسول " صلى الله عليه و سلم " أن يفطر على تمر و لبن ثم يصلي المغرب و بعدها يكمل إفطاره و ده أحسن صحيا .. قوم صلي المغرب يا خميس .. أصل أنا جعان جدا لما ها خلص أكل هابقى أقوم أصلي و أكمل خميس معركته مع الأكل حتى امتلأت معدته و بعدها ذهب ليغسل يده و يتوضأ و لكنه سمع صوتا يناديه إنها فوازير القناة السابعة .. لم يستطع أن يقاوم و جلس يتفرج .. * يا خميس أيهما أهم الصلاة و لا الفوازير .. ؟معلهش هاصلي أول ما الفوازير تخلص .. و ما أن انتهت الفوازير حتى بدأ ( سباق اللمة ) * قوم يا خميس صلي .. العشاء سيؤذن بعد قليل و لكن ( حوار فظيع جدا ) بدأ و جلس خميس يتابعه حتى سمع آذان العشاء .. * اتق الله يا خميس و اذهب لصلاة العشاء و التراويح يا عم أصل العشاء ممتدة و بعدين أنا لسه صغير على صلاة التراويح ثم إن مسلسل ألف ليلة و ليلة بدأ و لازم أشوفه ..* يا خميس الرسول " صلى الله عليه و سلم " يقول : ( من قام رمضان إيمانا و احتسابا غفر له ما تقدم من ذنبه ) يا عم ارحمونا بقى ده أنا من الصبح مشفتش غير 7 مسلسلات و 5 أفلام و 17 برنامج بس و ماسك نفسي علشان الصيام و لكن دلوقتي أنا خلاص فطرت خلونا بقى نعيش حياتنا ... * يا خميس إنك تلعب و تلهو طول السنة فحاول أن تتقي الله في هذا الشهر حتى يتوب عليك ... أصل البرامج دي هايلة و بعدين ساعة لقلبك و ساعة لربك ..* يا خميس شهر رمضان شهر العبادة كش شهر المسلسلات و ... ممكن نسكت دلوقتي علشان ( مغامرات غبية ) جت و أنا متابع البرنامج ده من 3 سنين و انهمك خميس في متابعة المقالب السخيفة ... * يا خميس طب لو مش عايز تصلي على الأقل يا أخي قوم اعمل حاجة مفيدة ذاكر مثلا معلهش أصل برنامج ( كلام فاضي ) بدأ ..*يا خميس إن الله أعطى لك نعمة البصر لترى بها ما أحل الله و ليس لتشاهد بها الحرام حتى في هذا الشهر الكريم حاول يا خميس تستغل حبس الشيطان في هذا الشهر و تقرب إلى الله بقراءة القرآن و استشعر لذة العبودية لله سبحانه و تعالى ...الظاهر إن خميس بدأ يتأثر و ذهب ليتوضأ حتى يصلي و يقرأ القرآن و لكن صوت المحمول ارتفع فأسرع يرد عليه ... ميدو فينك يا عم بتقول إيه عازمني على سهرة رمضانية على قهوة الحسين أنا جايلك حالا * يا خميس إن هذا الصديق لن ينفعك يوم القيامة .. خميس لبس و خرج و قضى الليل كله على القهوة في شري الشيشة و مشاهدة القنوات الفضائية و عاد إلى بيته في الرابعة فجرا و جلس على الكنبة منهكا * و هتعمل إيه دلوقتي يا خميس .. دلوقتي هاتسحر طبعا لأن الرسول عليه الصلاة و السلام يقول : " تسحروا فإن في السحور بركة "* و اشمعنى يعني مبتنفذش أقوال الرسول إلا في الأكل يوووه يعني كده مش عاجب و كده مش عاجب ... بدأ خميس يأكل حتى غلبه النعاس و ذهب للنوم ..* يا خميس فاضل دقايق على آذان الفجر تحامل على نفسك حتى تصلي الفجر في جماعة .. بصراحة أنا تعبان و مش قادر هابدأ من بكره إن شاء الله ..* يا خميس مين يضمن لك أن تعيش إلى الغد ؟!
قال رسول الله صلى الله عليه و سلم :" رغم أنف إمريء أدرك رمضان و لم يغفر له "
قال رسول الله صلى الله عليه و سلم :" رغم أنف إمريء أدرك رمضان و لم يغفر له "
